Ağ Şəhərdə məktəbəqədər təhsil sahəsində nümunəvi fəaliyyəti ilə seçilən İlhamə xanımın rəhbərlik etdiyi özəl uşaq bağçaları valideynlərin etimadını və sevgisini qazanmağı bacarıb. Hazırda İlhamə xanımın Ağ Şəhərdə fəaliyyət göstərən iki özəl uşaq bağçası yüzlərlə ailənin böyük məmnunluqla seçim etdiyi təhsil müəssisələri sırasındadır.
Müasir təhsil prinsiplərinə əsaslanan bu bağçalarda uşaqların sağlam, təhlükəsiz və sevgi dolu mühitdə böyüməsi əsas prioritet hesab olunur. Burada balacaların intellektual, fiziki, psixoloji və yaradıcı inkişafı üçün hər cür şərait yaradılıb. Peşəkar müəllim heyəti, müasir tədris metodları, gigiyenik və təhlükəsiz mühit, uşaqlara fərdi yanaşma valideynlərin xüsusi razılığına səbəb olur.
İlhamə xanım rəhbər kimi daim yeniliklərə açıq, məsuliyyətli və qayğıkeş yanaşması ilə seçilir. Onun əsas məqsədi hər bir uşağın özünü ailəsindəki qədər rahat hiss etməsi, sevgi və diqqət içində böyüməsi, gələcək təhsil həyatına yüksək səviyyədə hazırlanmasıdır. Məhz bu yanaşma nəticəsində rəhbərlik etdiyi hər iki bağça Ağ Şəhərdə nüfuzlu məktəbəqədər təhsil müəssisələrindən birinə çevrilib.
Bağçalarda mütəmadi olaraq müxtəlif bayram tədbirləri, açıq dərslər, əyləncəli proqramlar, yaradıcılıq məşğələləri və maarifləndirici layihələr təşkil edilir. Bu tədbirlər uşaqların sosial bacarıqlarının inkişafına, özünəinamının formalaşmasına və istedadlarının üzə çıxmasına böyük töhfə verir. Eyni zamanda valideynlərlə sıx əməkdaşlıq qurulması da bağçaların üstün cəhətlərindən biridir.
Valideynlərin sözlərinə görə, İlhamə xanım hər zaman onların müraciətlərinə həssaslıqla yanaşır, uşaqların rahatlığı və təhlükəsizliyi üçün bütün lazımi addımları atır. Məhz buna görə də onun rəhbərlik etdiyi hər iki bağça Ağ Şəhərdə yüksək nüfuz qazanıb və valideynlərin ilk seçimlərindən birinə çevrilib.
Qanuntv.az olaraq İlhamə xanımı və rəhbərlik etdiyi kollektivləri gördükləri nümunəvi fəaliyyətə görə təqdir edir, onlara gələcək işlərində daha böyük uğurlar arzulayırıq. İnanırıq ki, bu cür peşəkar və məsuliyyətli rəhbərlərin fəaliyyəti ölkəmizdə məktəbəqədər təhsilin daha da inkişaf etməsinə mühüm töhfə verəcək.
