Qırğızıstanda dövlət səfərində olan Azərbaycan Prezidenti İlham Əliyevin Çolpon-Ata şəhərində rəsmi qarşılanma mərasimi keçirilib.

Qanuntv.az xəbər verir ki, Azərbaycanın və Qırğızıstanın dövlət bayraqlarının dalğalandığı meydanda dövlət başçısının şərəfinə fəxri qarovul dəstəsi düzülüb. Prezident İlham Əliyevi Qırğız Respublikasının Prezidenti Sadır Japarov qarşılayıb.

Rəsmi qarşılanma mərasimindən sonra dövlət başçıları birgə foto çəkdiriblər. Səfər çərçivəsində iki ölkə arasında əməkdaşlığın inkişafına dair görüşlərin və bir sıra rəsmi tədbirlərin keçirilməsi nəzərdə tutulur.