Azərbaycanın UEFA Konfrans Liqasındakı təmsilçisi "Zirə" II təsnifat mərhələsinin cavab oyununda Estoniyanın "Payde" komandası ilə üz-üzə gəlib.

Qanuntv.az xəbər verir ki, Sumqayıt şəhər stadionunda keçirilən qarşılaşma 1:1 hesablı heç-heçə ilə başa çatıb.

Oyunda hesabı artıq 5-ci dəqiqədə Bakı təmsilçisinin heyətində Eren Aydın açıb. Lakin qonaqlar 71-ci dəqiqədə Henri Anierin qolu ilə tarazlığı bərpa ediblər.

İlk görüşdə Estoniyada 1:0 hesabı ilə məğlub olan "Zirə" cavab matçında qələbə qazana bilmədiyi üçün iki oyunun nəticəsinə əsasən (1:2) UEFA Konfrans Liqası ilə vidalaşıb. "Payde" isə növbəti təsnifat mərhələsinə yüksəlib.

Qeyd edək ki, "Zirə"nin baş məşqçisi Rəşad Sadıqov idi. Komanda doğma azarkeşləri önündə mübarizə aparsa da, avrokuboklarda yoluna davam etmək üçün lazım olan nəticəni əldə edə bilməyib.