İraq hökuməti ölkənin silahlı qüvvələrinin yüksək döyüş hazırlığı vəziyyətinə gətirilməsi barədə qərar qəbul edib.

Məlumata görə, bu barədə Baş nazirin mətbuat katibi Sabah əl-Numan açıqlama verib. Onun sözlərinə görə, Baş nazir Əli əz-Zeydi ordunun sayıqlığının artırılması və maksimum hazırlıq səviyyəsinə keçirilməsi ilə bağlı müvafiq göstəriş verib.

Qərara əsasən, silahlı qüvvələrin müasir radar sistemləri, erkən xəbərdarlıq vasitələri və hava hücumundan müdafiə sistemləri ilə təchizatının sürətləndirilməsi, həmçinin ordunun silahlanmasının gücləndirilməsi nəzərdə tutulur.

Qeyd edək ki, bundan əvvəl ABŞ və Səudiyyə Ərəbistanı tərəfindən İraq Silahlı Qüvvələrinə inteqrasiya olunmuş "Həşd əş-Şəbi" alyansına məxsus bazalara zərbələr endirildiyi barədə məlumatlar yayılmışdı. Son qərarın regionda artan təhlükəsizlik riskləri fonunda qəbul edildiyi bildirilir.