Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 17-də Şamaxıda “Pirqulu Park” hotelinin açılışında iştirak ediblər.

Qanuntv.az xəbər verir ki, “Moderngroup” MMC-nin təmsilçisi Fariz Abbaszadə dövlətimizin başçısına və birinci xanım Mehriban Əliyevaya hoteldə yaradılmış şərait barədə məlumat verib.

Bildirilib ki, yeni hotel kompleksi qonaqların rahat istirahəti üçün müasir infrastruktur və xidmət imkanları ilə təchiz olunub.

Açılış mərasimində Prezident İlham Əliyev və birinci xanım Mehriban Əliyeva hotelin müxtəlif bölmələri ilə tanış olublar.