Miqrasiya orqanlarına qulluğa qəbul olunmaq istəyən namizədlər üçün keçirilən müsabiqə və müsahibənin qaydalarında dəyişiklik edilib.

Bununla bağlı müvafiq qərar qəbul olunub.

Dəyişikliyə əsasən, imtahanda Azərbaycan dili üzrə sualların sayı artırılıb. Belə ki, əvvəl 10 olan sualların sayı 15-ə çatdırılıb.

Eyni zamanda, Azərbaycan tarixi üzrə təqdim olunan 10 sual imtahan proqramından çıxarılıb. Kompüter bilikləri üzrə nəzərdə tutulan 10 sual da ləğv edilərək əvəzinə dünyagörüşü üzrə 15 sual daxil edilib.

Beləliklə, yeni model üzrə imtahan ümumilikdə 100 sualdan ibarət olacaq.

İmtahanda suallar aşağıdakı istiqamətlər üzrə təqdim ediləcək:

- Azərbaycan dili – 15 sual
- Qanunvericilik – 50 sual
- Məntiq – 20 sual
- Dünyagörüşü – 15 sual

Yeni dəyişikliklərlə miqrasiya orqanlarında qulluğa qəbul üzrə imtahanın sual bölgüsü bu formada müəyyənləşdirilib.

Qanuntv.az