Zərdab rayon Heydər Əliyev Mərkəzinin direktoru Könül Rəhimova öz peşəkarlığı, yüksək idarəçilik bacarığı və mədəniyyət sahəsinə göstərdiyi xüsusi diqqət ilə rayon ictimaiyyətinin rəğbətini qazanan rəhbərlərdən biridir. Onun rəhbərliyi ilə fəaliyyət göstərən Heydər Əliyev Mərkəzi təkcə müxtəlif tədbirlərin keçirildiyi məkan deyil, eyni zamanda gənclərin maariflənməsinə, milli-mənəvi dəyərlərimizin təbliğinə, Azərbaycan tarixinin və dövlətçilik ənənələrinin gələcək nəsillərə çatdırılmasına xidmət edən mühüm mədəniyyət ocaqlarından birinə çevrilib.
Qanuntv.az olaraq qeyd edirik ki, Könül Rəhimovanın rəhbərliyi dövründə mərkəzdə dövlət əhəmiyyətli günlər, tarixi hadisələr, milli bayramlar, şəhidlərin əziz xatirəsinə həsr olunan tədbirlər, vətənpərvərlik ruhunu aşılayan görüşlər, maarifləndirici seminarlar, sərgilər, konfranslar və müxtəlif layihələr yüksək təşkilatçılıqla həyata keçirilir. Keçirilən hər bir tədbirdə milli dəyərlərimizin qorunmasına, gənclərin vətənə bağlı ruhda formalaşmasına və cəmiyyətin maariflənməsinə xüsusi önəm verilir.
Könül Rəhimova öz vəzifəsinə vicdanla yanaşan, işini sevən, məsuliyyət hissi ilə çalışan və kollektivdə sağlam iş mühiti yaradan rəhbərlər sırasındadır. Onun insanlara göstərdiyi diqqət və qayğı, əməkdaşlarla səmimi münasibəti, mədəniyyət sahəsinin inkişafı naminə yorulmadan çalışması hər zaman yüksək qiymətləndirilir. Mərkəzin fəaliyyətinin daha da genişlənməsi, yeni layihələrin həyata keçirilməsi və ictimaiyyətlə əlaqələrin möhkəmləndirilməsi istiqamətində gördüyü işlər təqdirəlayiqdir.
Rayon sakinləri də Heydər Əliyev Mərkəzində təşkil olunan tədbirlərin yüksək səviyyədə keçirildiyini, hər bir layihənin böyük məsuliyyət və peşəkarlıqla həyata keçirildiyini bildirirlər. Xüsusilə məktəblilər, tələbələr və gənclər üçün təşkil olunan maarifləndirici proqramlar onların dünyagörüşünün formalaşmasına, tariximizi və milli-mənəvi dəyərlərimizi daha yaxından öyrənmələrinə mühüm töhfə verir.
Könül Rəhimovanın fəaliyyəti göstərir ki, uğurlu rəhbərlik yalnız idarəçiliklə məhdudlaşmır. O, həm də insanların etimadını qazanan, cəmiyyətə faydalı olmağı əsas məqsəd seçən, mədəniyyətimizin inkişafına öz töhfəsini verən ziyalı rəhbərlərdən biridir. Onun rəhbərliyi ilə həyata keçirilən layihələr Zərdab rayonunun mədəni həyatının zənginləşməsinə və Heydər Əliyev irsinin geniş şəkildə təbliğinə mühüm xidmət göstərir.
Qanuntv.az kollektivi olaraq Zərdab rayon Heydər Əliyev Mərkəzinin direktoru Könül Rəhimovaya gələcək fəaliyyətində yeni uğurlar, möhkəm can sağlığı, həyata keçirdiyi bütün layihələrdə nailiyyətlər və ölkəmizin mədəni inkişafı naminə gördüyü işlərdə davamlı müvəffəqiyyətlər arzulayırıq. İnanırıq ki, onun peşəkar fəaliyyəti bundan sonra da rayonun mədəni həyatına mühüm töhfələr verməyə davam edəcək və cəmiyyət tərəfindən yüksək qiymətləndiriləcək.
