Qanuntv.az xəbər verir ki, Misli Premyer Liqasının 2026/2027 mövsümünün ilk turuna start verilib.

Turun açılış qarşılaşmasında “Turan Tovuz” doğma meydanda “Qəbələ”ni qəbul edib. Tovuz şəhər stadionunda keçirilən görüş meydan sahiblərinin 1:0 hesablı qələbəsi ilə başa çatıb.

Matçın taleyini “Turan Tovuz”un futbolçusu Enrike Silvanın vurduğu qol müəyyənləşdirib. Silva qarşılaşmanın ilk hissəsində fərqlənərək komandasını hesabda önə keçirib.

Beləliklə, Tovuz təmsilçisi yeni mövsümə 3 xalla başlayıb, “Qəbələ” isə ilk turdan xalsız ayrılıb.

Qeyd edək ki, ilk turun digər qarşılaşmaları avqustun 15, 16 və 17-də keçiriləcək.

Misli Premyer Liqası – I tur

“Turan Tovuz” – “Qəbələ” – 1:0

Qol: Enrike Silva

Stadion: Tovuz şəhər stadionu
Tarix: 14 avqust 2026