Tailand kraliçası Suthida “JAS 39 Gripen” qırıcı təyyarəsində təkbaşına uçuş həyata keçirib.
Qanuntv.az xəbər verir ki, uçuş oktyabrın 8-də Tailandın Suratthani əyalətində yerləşən hərbi hava bazasında baş tutub.
Məlumata görə, kraliça uçuşdan əvvəl xüsusi hazırlıq keçib, simulyator məşqlərində iştirak edib və təlimatçı ilə birlikdə ikiyerli qırıcı təyyarədə uçuşlar həyata keçirib. Hazırlıq mərhələsindən sonra o, biryerli “Gripen” qırıcısını müstəqil idarə edib.
Qeyd edək ki, “Gripen” İsveçin “Saab” şirkəti tərəfindən istehsal olunan çoxməqsədli döyüş təyyarəsidir. Kraliçanın bu uçuşu onun hərbi aviasiya sahəsində hazırlığının mühüm mərhələsi hesab olunur.
