Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək.
Havanın temperaturu gecə saatlarında 1–3° isti, gündüz isə 6–9° isti olacaq.
Azərbaycanın rayonlarında hava şəraiti əsasən yağmursuz keçəcək. Lakin gündüz saatlarından etibarən dağlıq ərazilərdən başlayaraq bəzi yerlərdə arabir yağıntılı olacağı, qar yağacağı gözlənilir. Ayrı-ayrı bölgələrdə yağıntının intensivləşəcəyi ehtimalı var. Bəzi yerlərdə arabir duman müşahidə olunacaq. Qərb küləyi bəzi ərazilərdə arabir güclənəcək.
Rayonlarda havanın temperaturu gecə 2° şaxtadan 3°-dək isti, gündüz 5–9° isti olacaq. Dağlıq ərazilərdə gecə 5–10° şaxta, yüksək dağlıq ərazilərdə isə 10–15° şaxta, gündüz saatlarında isə 1–6° şaxta qeydə alınacaq.
Gecə və səhər saatlarında bəzi dağlıq ərazilərdə yolların buz bağlama ehtimalı var.
QanunTV.az