Türkiyənin xarici işlər naziri Hakan Fidan ispaniyalı həmkarı Xose Manuel Albareslə telefon danışığı zamanı Suriyanın bərpası və dəstəklənməsi yollarını müzakirə edib.

Bu barədə TASS-a Türkiyə XİN-dəki mənbə məlumat verib.

"Yanvarın 10-da xarici işlər naziri Hakan Fidan İspaniyanın xarici işlər, Avropa İttifaqı və əməkdaşlıq naziri Xose Manuel Albareslə telefon danışığı aparıb. Tərəflər Suriyada sülh və sabitliyin möhkəmləndirilməsi üçün beynəlxalq dəstəyin göstərilməsinin vacibliyini müzakirə ediblər. Humanitar yardım göstərilməklə ölkənin bərpası üçün atıla biləcək addımlar müzakirə olunub", - mənbə bildirib.

Bundan başqa, nazirlər Qəzza zolağında mövcud vəziyyəti də qiymətləndiriblər.