Ötən il Azərbaycan hərbi sənaye sahəsində istehsal həcmini əhəmiyyətli dərəcədə artıraraq 1,4 milyard manat dəyərində hərbi təyinatlı məhsul istehsal edib. İstehsal olunan məhsulların bir hissəsi Azərbaycan Silahlı Qüvvələrinin arsenalının gücləndirilməsinə yönəldilib, digər hissəsi isə ixrac edilib.
Məlumata görə, hazırda Azərbaycan 20-yə yaxın ölkəyə müxtəlif növ hərbi təyinatlı məhsullar ixrac edir. Bu göstərici ölkənin müdafiə sənayesinin beynəlxalq bazarda rəqabət qabiliyyətinin artdığını və ixrac potensialının genişləndiyini göstərir.
Qeyd olunur ki, hərbi sənaye kompleksinin inkişafı Azərbaycanın müdafiə qabiliyyətinin möhkəmləndirilməsi ilə yanaşı, iqtisadiyyatın şaxələndirilməsində və qeyri-neft ixracının artırılmasında da mühüm rol oynayır.