Pakistan–Əfqanıstan sərhədində keçirilən cavab əməliyyatı zamanı azı 22 “Taliban” üzvünün öldürüldüyü bildirilir.
Məlumata görə, əməliyyat sərhəd bölgəsində təhlükəsizlik qüvvələrinə qarşı həyata keçirilən hücuma cavab olaraq təşkil edilib. Toqquşma zamanı silahlı qarşıdurma baş verib və tərəflər arasında itkilər qeydə alınıb.
Rəsmi mənbələr əməliyyatın terror təhlükəsinin qarşısının alınması məqsədilə keçirildiyini açıqlayıblar. Hadisə ilə bağlı ərazidə təhlükəsizlik tədbirlərinin gücləndirildiyi bildirilir.
Qeyd edək ki, son dövrlər Pakistan–Əfqanıstan sərhədində təhlükəsizlik vəziyyəti vaxtaşırı gərginləşir və qarşılıqlı insidentlər qeydə alınır.
