Dünyanın ən böyük sərmayəçilərindən biri olan Norveç Rifah Fondu 2022-ci ildə 1,64 trilyon kron (164,4 milyard dollar) rekord zərər gördüyünü bildirib.

Fondun portfelindəki səhmlər və istiqrazlar Rusiyanın Ukraynaya qarşı müharibəsindən və inflyasiyadan zərər çəkib.

“Biz dünyanın 70 ölkəsində 9000 şirkətə sərmayə qoyuruq. Sadəcə olaraq gizlənməyə yer yoxdur”, - fondun rəhbəri Nikolay Tangen mətbuat konfransında deyib.

Fondun itkilərində ən böyük pay sahibi “Amazon” (56 milyard kron), “Meta” (52 milyard kron) və “Tesla” (47 milyard kron) olub.

Bununla belə, rekord itkilərə baxmayaraq, fondun ümumi sərvəti 89 milyard kron və ya illik müqayisədə 8,9 milyard dollar artıb ki, bu da qismən zəif Norveç valyutası və 1,1 trilyon kronluq rekord pul vəsaitlərinin daxil olması səbəbindən baş verib.

Qeyd edək ki, Fond Norveç dövlətinin neft hasilatından əldə etdiyi gəliri idarə edir.

Mənbə: rbc.ua