Heydər Əliyev Fondunun vitse-prezidenti Leyla Əliyeva Efiopiyanın paytaxtı Əddis-Əbəbədə səfəri çərçivəsində bir sıra sosial və mədəni obyektlərlə tanış olub.
Səfər zamanı Leyla Əliyeva yerli təhsil müəssisələri, mədəni mərkəzlər və ictimai layihələr barədə məlumat alıb, həyata keçirilən işlərin effektivliyini yerində qiymətləndirib. Ziyarətlər zamanı sosial sahədə əməkdaşlığın genişləndirilməsi və mədəni mübadilənin inkişaf etdirilməsi imkanları müzakirə olunub.
Qeyd edək ki, Heydər Əliyev Fondu müxtəlif ölkələrdə sosial və mədəni layihələrin həyata keçirilməsində fəal iştirak edir.