Cavab oyununa yollanan “Qarabağ”ın baş məşqçisi Qurban Qurbanov qarşıdakı qarşılaşma barədə fikirlərini bölüşüb.
Baş məşqçi İngiltərədə Newcastle United F.C. ilə keçiriləcək UEFA Champions League pley-off mərhələsinin cavab oyunu öncəsi təşkil olunan mətbuat konfransında ilk görüşün nəticəsinə görə danışmağın asan olmadığını bildirib:
“Cavab oyununa gedirik. İlk matçdakı nəticəyə görə bu oyun haqqında danışmaq asan deyil. Oyunu analiz etmək üçün bir neçə gün vaxtımız oldu. Deyiləcək çox söz yoxdur. İlk oyunda bizdən çox üstün oldular. Mübariz olmalıyıq. Psixoloji zərbə alsaq da, pis hazırlaşmadıq. Çalışacağıq, cavab oyununda özümüzü yaxşı tərəfdən göstərək”.
Qeyd edək ki, Newcastle United F.C. – “Qarabağ” qarşılaşması fevralın 24-də İngiltərədə keçiriləcək. Görüş Bakı vaxtı ilə saat 00:00-da start götürəcək.
