Bu gün ölkənin bir sıra ərazilərində elektrik şəbəkəsində aparılacaq təmir və yenidənqurma işləri ilə əlaqədar elektrik enerjisinin verilişində fasilələr yaranacaq.
“Azərişıq” ASC-dən verilən məlumata görə, elektrik enerjisinin verilişində keyfiyyət göstəricilərinin yüksəldilməsi və artan yük tələbatının qarşılanması məqsədilə avqustun 17-də bir neçə rayonda planlı işlər həyata keçiriləcək.
Tərtər: 6 kV-luq hava xəttinə toxunan ağacların budanması ilə əlaqədar saat 10:00-dan 14:00-dək Qaradağlı, Təzəkənd və Kəngərli kəndlərinin bir hissəsində elektrik enerjisinin verilişində məhdudiyyət tətbiq olunacaq.
Ağdaş: 10 kV-luq “Şıxlı” hava xəttində və 110/35/10 kV-luq “Ləki Dartı” yarımstansiyasının 10 kV-luq bölməsində təmir işləri aparılacaq. Bu səbəbdən saat 10:00-dan 14:00-dək və 10:30-dan 12:30-dək Ərəş küçəsi, Aşağı Zeynəddin, Yeniarx, Mürsəl, Şıxlı, Qarasuqumlaq, Orta Ləki, Yuxarı Ləki, Hapıtlı, Ovçulu, Güvəkənd, Əmirarx, Cardam, Nehrəxəlil, Kotanarx, Tofiqi, Şəmsabad və Əmirmahmud kəndlərinin bəzi ərazilərində fasilə yaranacaq.
Bərdə: 35 kV-luq “Qaraməmmədli” hava xəttində təmir və yeni dayağın quraşdırılması ilə əlaqədar saat 10:00-dan 15:00-dək Seyid Yusifli, Hacallı, Mehdixanlı, Qayalı və Cicimli kəndlərində elektrik enerjisinin verilişi dayandırılacaq.
Yevlax: 10 kV-luq hava xəttində aparılacaq təmir işləri ilə əlaqədar saat 10:00-dan 16:00-dək Qaramanlı, Hacımahmudlu, Nəmirli, Göyük və Nurallar kəndlərinin bir hissəsində elektrik enerjisinin verilişində fasilə olacaq.
Bildirilib ki, təmir və yenidənqurma işləri başa çatdıqdan sonra qeyd olunan ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
Qanuntv.az
