Bu gün Bakının bir sıra ərazilərində planlı təmir və yenidənqurma işləri ilə əlaqədar elektrik enerjisinin verilişində məhdudiyyətlər yaranacaq.
Qanuntv.az xəbər verir ki, bu barədə "Azərişıq" ASC məlumat yayıb.
Bildirilib ki, Səbail Rayon Enerji Təchizatı və Satışı İdarəsinin ərazisində aparılacaq iməcilik işləri ilə əlaqədar saat 09:00-dan 12:00-dək Badamdar qəsəbəsinin İqor Ağayev küçəsi və 20-ci sahə yaşayış massivinin bir hissəsində elektrik enerjisinin verilişində fasilə olacaq.
Həmçinin Zirə Enerji Təchizatı və Satışı İdarəsinə daxil olan Pirallahı qəsəbəsində yerləşən transformator məntəqəsində aparılacaq işlərlə əlaqədar eyni saatlarda qəsəbənin 2, 6, 8, 10, 12, 14, 16, 22 və 24 nömrəli yaşayış binaları, Kamil Rzayev küçəsi, eləcə də Pirallahı Tibb Mərkəzi və ətraf ərazilər elektrik enerjisiz qalacaq.
Nizami Rayon Enerji Təchizatı və Satışı İdarəsinin ərazisində həyata keçiriləcək təmir-təftiş işləri səbəbindən saat 10:00-dan 13:00-dək Rüstəm Rüstəmov küçəsi və Qara Qarayev prospektinin bəzi hissələrində enerji təchizatında məhdudiyyət yaranacaq.
Bundan başqa, Xətai Rayon Enerji Təchizatı və Satışı İdarəsinin ərazisində 6 kV-luq hava xətlərində aparılacaq yenilənmə işləri ilə əlaqədar saat 10:00-dan 13:00-dək Polad Həşimov və Zeytun küçələrində elektrik enerjisinin verilişi dayandırılacaq.
"Azərişıq" ASC qeyd edib ki, təmir və yenidənqurma işləri başa çatdıqdan sonra həmin ərazilərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
