19 yaşlı almaniyalı üzgüçü Yohannes Libman 1 500 metr məsafəyə sərbəst üsulla üzgüçülükdə dünya rekorduna imza atıb.
Qanuntv.az xəbər verir ki, Parisdə keçirilən Avropa çempionatının finalında Libman 1 500 metr məsafəni 14 dəqiqə 26,79 saniyəyə qət edərək yeni dünya rekordu müəyyənləşdirib.
Bundan əvvəlki dünya rekordu amerikalı Bobbi Finkə məxsus olub. O, Paris Olimpiadasında bu məsafəni 14 dəqiqə 30,67 saniyəyə üzərək rekord müəyyənləşdirmişdi.
Yarışda gümüş medala Macarıstan təmsilçisi Zalan Şarkan, bürünc medala isə Almaniya üzgüçüsü Oliver Klemet sahib olub.
Yohannes Libman Parisdə keçirilən Avropa çempionatında ikinci qızıl medalını qazanıb. O, daha əvvəl 800 metr məsafəyə sərbəst üsulla üzgüçülükdə Avropa rekordunu yeniləyərək çempion olub.
