Hər kəsə Zəfər bayramınız mübarək söyləyirəm. Əziz oxucular, ölkəmizin hər şəhər və rayonlarında olduğu kimi 8 Noyabr, Zəfər bayramı yüksək səviyyədə keçirilir.
Belə rayonlardan biri də Şəmkir rayonudur. Bu gün mən 8 Noyabr 2024-cü il Şəmkir rayonunda Zəfər bayramı ilə əlaqədar olan tədbirdə iştirak etdim,təbii ki Şəmkir rayonunda bir çox iş adamları və sahibkarlar vardır. Bunlardan xüsusilə qeyd etmək istədiyim- Şəmkir rayonunun Keçili kəndində yerləşən Elmir şadlıq sarayının rəhbəri Elçin müəllimdir. Elçin müəllim artıq bununla 2-ci səfərdir ki, özünün rəhbərlik etdiyi Elmir şadlıq sarayında 8 Noyabr Zəfər bayramını çox möhtəşəm şəkildə istər bədii tərtibatına,istərsə də süfrəsinin zənginliyinə görə yüksək şəkildə təşkil etmişdir.Mən öz adımdan və kollektivim adından Elçin müəllimə özümün minnətdarlığını bildirirəm. Bu gün bu tədbirdə ilk öncə Şəmkir rayonunun bütün şəhid ailələri və qaziləri,rayon ziyalıları,rayon icra aparatının işçiləri,başda Şəmkir rayon İcra aparatının rəhbəri hörmətli Rəşad müəllim Tağıyev iştirak etdi. Bayram tədbirində Şəmkir rayon İcra aparatının başçısı Rəşad müəllim nitq söyləyərək bütün şəmkirliləri və şəhid ailələrini,eyni zamanda qazilərimizi təbrik etdi. Tədbirdə diqqətimizi çəkən məqamlardan biri də Rəşad müəllimin və Şəmkir rayon İcra aparatının işçilərinin bütün şəhid ailələrinin və qazilərinin yanında olmasını göstərərək hər birinin ayrı-ayrılıqda bayram təbrikini edərək onlarla xatirə şəkilləri çəkdirdi. Bunu da qeyd etmək istəyirəm ki, Şəmkir rayon Polis şöbəsinin rəisi Nəvai müəllim də bu tədbirdə iştirak edərək bütün şəhid ailələrinə və qazilərimizə bayram təbriki edərək onlarla bu sevinci paylaşdı. Şəmkir rayonunun bir çox məktəb şagirdləri şəhidlərimizin xatirəsini anaraq çoxlu sayda şeirlər söylədilər,bunlardan diqqətimizi çəkən Şəmkir rayon Keçili kənd Əhməd Həsənov adına tam orta məktəbin direktoru Qəhrəmanova Fənarə müəllimənin kollektivinin və şagirdlərinin tam hazırlıqlı bir formada şəhidlərimizin xatirəsinə hörmət olaraq bir çox şeirlər söylədi və mahnılar oxudu. Mən Qanun TV.az xəbər portalının təsisçisi və baş redaktoru Bəxtiyar Vəliyev Sabir oğlu olaraq ilk öncə bu tədbirin yüksək səviyyədə hazırlanmasında Şəmkir rayon İcra aparatının rəhbəri Rəşad müəllimə və Şəmkir ziyalılarına,Fənarə müəlliməyə,eyni zamanda Şəmkirin iş adamı Elmir şadlıq sarayının rəhbəri Elçin müəllimə özümün xüsusi minnətdarlığımı bildirirəm. Əziz dostlar,onu da qeyd etmək istəyirəm ki, şəmkirlilər hər zaman vətənimizi sevmiş, özlərini ölkə rəhbərinə olan məhəbbətini və şəhid ailələrinə,qazi ailələrinə olan sevgisini öz əməlləri və işi ilə sübut etmişdirlər. Bayramınız mübarək Azərbaycan! Qarabağ Azərbaycandır!!!
