Balakən rayonunda səhiyyə sahəsində öz dəst-xətti ilə seçilən simalardan biri də “Aymed” Klinikasının rəhbəri Kərimov Elşəndir. Onun rəhbərlik etdiyi bu tibb müəssisəsi qısa müddət ərzində rayon əhalisinin etibarını qazanaraq yüksək xidmət keyfiyyəti ilə tanınmağa başlamışdır. Bu uğurun arxasında isə ilk növbədə rəhbərin məsuliyyətli yanaşması, insanlara olan həssas münasibəti və peşəkar idarəçilik bacarığı dayanır.

Elşən Kərimov öz fəaliyyətində hər zaman insan sağlamlığını ən ali dəyər kimi qəbul edir. O, yalnız tibbi xidmətin təşkili ilə kifayətlənmir, eyni zamanda klinikada çalışan kollektivin inkişafına, onların peşəkarlığının artırılmasına da xüsusi diqqət yetirir. Müasir tibbi avadanlıqların tətbiqi, yeniliklərə açıq olmaq və pasiyent məmnuniyyətini prioritet seçmək onun rəhbərlik fəlsəfəsinin əsasını təşkil edir.

Onun rəhbərliyi altında “Aymed” Klinikası təkcə müalicə ocağı deyil, həm də insanların ümid yeri, sağlam həyata açılan qapısı kimi tanınır. Pasiyentlərə göstərilən diqqət və qayğı, hər bir müraciətə fərdi yanaşma klinikanın nüfuzunu daha da artırır. Bu isə birbaşa olaraq rəhbərin düzgün və uzaqgörən siyasətinin nəticəsidir.

Kərimov Elşən həm də cəmiyyət içində sadəliyi, səmimiliyi və humanistliyi ilə seçilən bir ziyalıdır. O, daim insanlara kömək etməyə çalışır, sosial məsuliyyət layihələrində fəal iştirak edir və ehtiyacı olanlara dəstək olmağı özünə borc bilir.

Belə rəhbərlərin fəaliyyəti bölgələrdə səhiyyənin inkişafına böyük töhfə verir. Elşən Kərimovun timsalında biz həm peşəkar idarəçini, həm də yüksək insani keyfiyyətlərə malik bir şəxsiyyəti görürük. Onun gələcək fəaliyyətində daha böyük uğurlara imza atacağına şübhə yoxdur.

Mənbə: Qanuntv.az
Müəllif: Bəxtiyar Vəliyev