Nazirlər Kabineti yeni tikilən Əhmədbəyli-Füzuli-Şuşa avtomobil yolunun 81,3 kilometrlik hissəsinin ödənişli avtomobil yolu kimi müəyyən edilməsi barədə qərar qəbul edib.
Qanuntv.az xəbər verir ki, qərarı Azərbaycan Respublikasının Baş naziri Əli Əsədov imzalayıb.
Məlumata görə, qərar ödənişli yol istifadəsi ilə bağlı inzibati və texniki tədbirlərin həyata keçirilməsini nəzərdə tutur. Qərar çərçivəsində yolun istifadəsi zamanı ödənişlərin məbləği və yığılma qaydaları müvafiq qaydada müəyyən ediləcək.
Yeni ödənişli yolun istifadəyə verilməsi bölgələr arasında nəqliyyatın daha təhlükəsiz və müasir standartlara uyğun təşkili məqsədi daşıyır.
