9 aprel 2026-cı il tarixində Özbəkistanda səfərdə olan SOCAR-ın vitse-prezidenti Arzu Cavadova “Özbəkneftqaz” ASC-nin İdarə Heyətinin sədri Abdugani Sanginov ilə görüş keçirib.

Özbəkneftqaz tərəfindən yayılan məlumata görə, görüşdə Azərbaycan–Özbəkistan strateji tərəfdaşlığı çərçivəsində şirkətlər arasında mövcud əməkdaşlığın dinamik inkişafından məmnunluq ifadə olunub. Tərəflər qarşılıqlı əlaqələrin hazırkı vəziyyəti və gələcək inkişaf perspektivləri ətrafında geniş fikir mübadiləsi aparıblar.

Müzakirələr zamanı “Üstyurt” kəşfiyyat sahəsində həyata keçirilən birgə geoloji kəşfiyyat layihəsinin icra vəziyyəti nəzərdən keçirilib, həmçinin qarşılıqlı maraq doğuran digər istiqamətlər üzrə əməkdaşlığın genişləndirilməsi imkanları dəyərləndirilib.