Qanuntv.az xəbər verir ki, Emmanuel Macronun mobil telefonuna iranlı aktrisadan gələn mesajın Brigitte Macronun qəzəbinə səbəb olduğu iddia edilir.

Məlumata görə, ötən ilin may ayında bütün dünyada rezonans doğuran məşhur “şillə” hadisəsinin də məhz bu səbəbdən baş verdiyi bildirilir.

Belə ki, yayılan kadrlarda Fransa prezidentinin Vyetnam səfəri zamanı təyyarədən enərkən birinci xanım tərəfindən üz nahiyəsinə zərbə aldığı əks olunmuşdu. Həmin vaxt Emmanuel Makron hadisəni həyat yoldaşı ilə aralarında yaranmış “mübahisə” və ya “zarafat” kimi qiymətləndirmişdi.

Lakin fransalı jurnalist Florian Tardif özünün “(Demək olar ki) Mükəmməl cütlük” adlı yeni kitabında hadisələrin fərqli versiyasını təqdim edib.

Müəllif iddia edir ki, Bricit Makron prezidentin telefonunda məşhur bir iranlı aktrisadan gələn mesajı görüb.

“Əslində məsələ Bricit Makronun məşhur bir şəxsdən, iranlı aktrisadan gələn mesajı görməsindədir”, – deyə jurnalist kitabında qeyd edib.

Florian Tardifin sözlərinə görə, ailəyə yaxın mənbələr Emmanuel Makronun həmin aktrisaya xoş sözlər və təriflər yazdığını təsdiqləyiblər.

Hazırda məsələ ilə bağlı Fransa Prezident Administrasiyası tərəfindən rəsmi açıqlama verilməyib.