Quba şəhər Uşaq İncəsənət Məktəbində direktor vəzifəsini icra edən Sevil Bayramova öz peşəkarlığı, yüksək idarəçilik bacarığı və uşaqlara olan xüsusi diqqəti ilə valideynlərin rəğbətini qazanan nümunəvi rəhbərlərdən biridir. Onun rəhbərliyi dövründə məktəbdə yaradılan sağlam mühit, nizam-intizam və yaradıcı atmosfer həm şagirdlərin, həm də valideynlərin böyük məmnunluğuna səbəb olub.
Valideynlər bildirirlər ki, Sevil Bayramova məktəbin hər bir şagirdinə xüsusi həssaslıqla yanaşır, onların incəsənətə olan marağının inkişaf etdirilməsi üçün böyük zəhmət çəkir. O, uşaqların yalnız musiqi və incəsənət sahəsində deyil, eyni zamanda yüksək mənəvi keyfiyyətlərə sahib vətənpərvər gənclər kimi yetişməsi üçün də xüsusi diqqət göstərir. Məktəbdə keçirilən tədbirlər, konsert proqramları, müsabiqələr və yaradıcılıq gecələri onun təşkilatçılıq qabiliyyətinin və sənətə bağlılığının bariz nümunəsidir.
Sevil Bayramovanın rəhbərliyi altında məktəbdə müəllim və şagird münasibətləri qarşılıqlı hörmət və anlayış üzərində qurulub. Valideynlər qeyd edirlər ki, məktəbdə uşaqlar özlərini rahat və güvənli hiss edir, onların istedadlarının üzə çıxarılması üçün hər cür şərait yaradılır. Bu isə təhsil ocağının uğurlarının ildən-ilə artmasına səbəb olur.
Onun insanlarla səmimi münasibəti, məsuliyyətli yanaşması və hər zaman yeniliyə açıq olması məktəbin nüfuzunun yüksəlməsində mühüm rol oynayır.
Valideynlər hesab edirlər ki, Sevil Bayramova rəhbər kimi yalnız idarəetmə ilə kifayətlənmir, eyni zamanda hər bir uşağın uğuruna ürəkdən sevinən, onların gələcəyinə həssas yanaşan qayğıkeş bir ziyalıdır.
Bu gün Quba şəhər Uşaq İncəsənət Məktəbinin qazandığı uğurların arxasında böyük zəhmət, düzgün idarəçilik və sənətə sevgi dayanır. Bu uğurlarda isə Sevil Bayramovanın əməyi danılmazdır. Valideynlər onun fəaliyyətini yüksək qiymətləndirir, gənc nəslin inkişafı naminə gördüyü işlərə görə təşəkkürlərini bildirirlər.
Qanuntv.az olaraq biz də Sevil Bayramovaya gələcək fəaliyyətində uğurlar arzulayır, rəhbərlik etdiyi təhsil ocağının daha böyük nailiyyətlər qazanacağına inanırıq.
