Qanuntv.az "Haber Global"a istinadən xəbər verir ki, Türkiyədə qanunsuz mərc oyunlarının reklamı ilə bağlı açılmış cinayət işi üzrə məhkəmə prosesi yekunlaşıb.

İddialara görə, "Fənərbağça" İdman Klubunun rəhbəri Sadettin Saranın rəhbərlik etdiyi media qrupunun həyata keçirdiyi matç yayımları zamanı qanunsuz mərc oyunlarının reklamına şərait yaradılıb.

İş üzrə mühakimə olunan Sadettin Saran, qardaşı Alan Kenan Saran və daha iki nəfər barəsində məhkəmə qərarı elan edilib. Qərara əsasən, Sadettin Saran və Alan Kenan Saran "şəxsləri reklam vasitəsilə və ya digər yollarla qanunsuz mərc oyunlarına cəlb etmək" maddəsi ilə təqsirli bilinərək hər biri 2 il 6 ay müddətinə azadlıqdan məhrum ediliblər.

Bununla yanaşı, onların hər birinə 562 min 500 türk lirəsi məbləğində cərimə tətbiq olunub.

İş üzrə digər təqsirləndirilən şəxslər – Emre Eren və Azade Zeynep Haksal isə eyni ittiham üzrə məhkəmə tərəfindən bəraət alıblar.