Bu gün Bakının bir sıra qəsəbə və rayonlarında planlı təmir və yenidənqurma işləri ilə əlaqədar elektrik enerjisinin verilişində müvəqqəti məhdudiyyətlər yaranacaq.
Məlumata görə, Zirə Enerji Təchizatı və Satışı İdarəsinin ərazisində yerləşən transformator məntəqəsində aparılacaq iməclik işləri səbəbindən saat 09:00-dan 12:00-dək Zirə qəsəbəsinin Seyid Əzim Şirvani, Ağamalıoğlu və Nadir Hüseynov küçələrində, həmçinin Yeni sahə yaşayış massivinin bir hissəsində elektrik enerjisinin verilişində fasilə olacaq.
Eyni zamanda, Yasamal Rayon Enerji Təchizatı və Satışı İdarəsinin ərazisində transformator məntəqəsində aparılacaq təmir işləri ilə əlaqədar saat 10:00-dan 13:00-dək Abdulla Şaiq, Əli bəy Hüseyzadə, Balababa Məcidov, Nabat Aşurbəyova və Mirzə Fətəli Axundzadə küçələrinin bəzi hissələri elektrik enerjisiz qalacaq.
Nizami rayonunda isə təmir-təftiş işləri zamanı eyni saatlarda Cəmşid Naxçivanski və Bəhruz Nuriyev küçələrində enerji təchizatında fasilə yaranacaq.
Bundan başqa, Suraxanı rayonunun Əmircan qəsəbəsində transformator məntəqəsində aparılacaq işlərlə əlaqədar Elxan Həsənov, Şəfəq və Neftçi küçələrində də elektrik enerjisinin verilişində məhdudiyyət tətbiq ediləcək.
Biləcəri Enerji Təchizatı və Satışı İdarəsinin ərazisində yerləşən "ETK-4" yarımstansiyasında aparılacaq yenidənqurma və təmir işləri səbəbindən saat 10:00-dan 13:00-dək Binəqədi kəndi və ətraf yeni yaşayış massivləri, Biləcəri qəsəbəsinin Məmmədoğulları, Xudadat bəy Məlik-Aslanov və 10 May küçələri, eləcə də DSK yolu adlanan ərazinin bir hissəsində elektrik enerjisinin verilişi dayandırılacaq.
Müvafiq işlər başa çatdıqdan sonra qeyd olunan ərazilərin elektrik təchizatı mərhələli şəkildə bərpa ediləcək.
