Məktəbəqədər təhsil müəssisələri uşaqların ilk bilik və həyat bacarıqlarını qazandığı ən mühüm təhsil pillələrindən biridir. Bu sahədə uğurlu nəticələrin əldə olunması isə ilk növbədə peşəkar və məsuliyyətli rəhbərlərin fəaliyyəti ilə bağlıdır. Valideynlərin fikrincə, Abşeron rayonu Xırdalan şəhər 2 saylı Körpələr Evi–Uşaq Bağçasının müdiri Fidan Tağızadə məhz belə rəhbərlərdən biridir.
Valideynlərin sözlərinə görə, Fidan Tağızadə rəhbərlik etdiyi məktəbəqədər təhsil müəssisəsində sağlam iş mühitinin formalaşdırılmasına, uşaqların təhlükəsizliyinin təmin olunmasına və təlim-tərbiyə prosesinin yüksək səviyyədə təşkilinə xüsusi həssaslıqla yanaşır. Onun idarəçilik prinsipləri qarşılıqlı hörmətə, məsuliyyətə və peşəkarlığa əsaslanır.
Qeyd edilir ki, Fidan xanım kollektivlə sıx əməkdaşlıq şəraitində çalışaraq uşaqların bilik və bacarıqlarının inkişafına xidmət edən müasir yanaşmaların tətbiqinə önəm verir. Bağçada təşkil olunan müxtəlif maarifləndirici tədbirlər, milli-mənəvi dəyərləri aşılayan proqramlar və yaradıcı məşğələlər uşaqların hərtərəfli inkişafına mühüm töhfə verir.
Valideynlər bildirirlər ki, Fidan Tağızadə hər bir müraciətə diqqətlə yanaşan, valideynlərlə daim açıq dialoq quran və onların fikirlərinə hörmətlə yanaşan rəhbərdir. Onun səmimiyyəti, obyektiv mövqeyi və problemlərin operativ həllinə göstərdiyi həssas münasibət valideynlər tərəfindən yüksək qiymətləndirilir.
Onların sözlərinə görə, Fidan xanım yalnız inzibati rəhbər kimi deyil, eyni zamanda uşaqların xoşbəxt və sağlam gələcəyini düşünən, öz peşəsinə vicdanla bağlı olan ziyalı bir təhsil işçisidir. Onun rəhbərliyi ilə bağçada yaradılan mehriban mühit, nizam-intizam və keyfiyyətli təlim prosesi valideynlərin bu təhsil ocağına olan etimadını daha da gücləndirib.
Valideynlər hesab edirlər ki, Fidan Tağızadənin məsuliyyətli fəaliyyəti, yüksək peşəkarlığı və məktəbəqədər təhsilin inkişafına verdiyi töhfələr təqdirəlayiqdir. Onlar Fidan xanıma gələcək fəaliyyətində yeni uğurlar, möhkəm cansağlığı və daha böyük nailiyyətlər arzulayaraq, onun bu şərəfli missiyanı bundan sonra da uğurla davam etdirəcəyinə inandıqlarını bildirirlər.
