Son günlər bəzi media resurslarında Bakı şəhəri 198 saylı körpələr evi-uşaq bağçasının müdiri Vəsilə Bayramova haqqında müxtəlif iddialar səsləndirilsə də, Qanuntv.az saytı məsələni hərtərəfli araşdıraraq valideynlərlə görüşlər keçirib, bağçanın fəaliyyəti ilə yaxından tanış olub.
Aparılan araşdırmalar və əldə olunan məlumatlar göstərir ki, yayılan məlumatların böyük əksəriyyəti həqiqəti əks etdirmir. Əksinə, valideynlərin fikirlərinə əsasən, Vəsilə Bayramova uzun illərdir təhsil sahəsində məsuliyyətlə çalışan, uşaqların sağlam və təhlükəsiz mühitdə böyüməsi üçün bütün imkanlardan istifadə edən peşəkar rəhbərlərdən biridir.
Bu gün məktəbəqədər təhsil müəssisələrinin üzərinə çox böyük məsuliyyət düşür. Gələcəyimiz olan uşaqların ilk təhsil ocağı məhz bağçalardır. Burada formalaşan nizam-intizam, mənəvi dəyərlər və təlim prosesi gələcək nəslin inkişafında mühüm rol oynayır. Məhz belə bir məsuliyyətli sahədə çalışan Vəsilə Bayramova öz fəaliyyəti ilə valideynlərin etimadını qazanmağı bacarmış rəhbərlərdən hesab olunur.
Valideynlərin bildirdiyinə görə, bağçada uşaqlara xüsusi diqqət və qayğı göstərilir, onların təhlükəsizliyi daim nəzarətdə saxlanılır, tədris və tərbiyə prosesinin yüksək səviyyədə təşkili üçün ardıcıl işlər görülür. Müəssisədə sağlam mənəvi mühitin qorunması, uşaqların rahatlığı və valideynlərlə qarşılıqlı əməkdaşlıq prinsiplərinin formalaşdırılması rəhbərliyin əsas fəaliyyət istiqamətlərindən biridir.
Qanuntv.az saytının apardığı araşdırmalar zamanı bir daha məlum olmuşdur ki, cəmiyyətdə yayılan hər bir məlumat dəqiqləşdirilmədən və araşdırılmadan ictimai rəyə təqdim edilməməlidir. Çünki bəzən əsassız iddialar uzun illər öz peşəsinə vicdanla xidmət edən insanların nüfuzuna xələl gətirə bilir. Lakin həqiqətlər araşdırıldıqda, görülən işlər və insanların rəyləri bütün məsələlərə aydınlıq gətirir.
Vəsilə Bayramovanın rəhbərlik etdiyi 198 saylı körpələr evi-uşaq bağçası bu gün bir çox valideynlər tərəfindən etibarlı məktəbəqədər təhsil müəssisələrindən biri kimi dəyərləndirilir. Onun rəhbərlik fəaliyyəti, kollektivlə münasibətləri, uşaqlara göstərilən diqqət və təhsil müəssisəsinin inkişafına verdiyi töhfələr xüsusi qeyd olunur.
Qanuntv.az olaraq hesab edirik ki, cəmiyyətə xidmət edən, öz vəzifəsini vicdanla və məsuliyyətlə yerinə yetirən insanların fəaliyyəti obyektiv qiymətləndirilməli, görülən müsbət işlər ictimaiyyətə çatdırılmalıdır. Vəsilə Bayramova haqqında valideynlərin müsbət fikirləri və aparılan araşdırmalar bir daha göstərir ki, o, öz peşəsinə bağlı, işini sevən və üzərinə düşən vəzifələri layiqincə yerinə yetirən təhsil rəhbərlərindən biridir.
Belə insanların fəaliyyəti gələcəyimiz olan uşaqların sağlam, savadlı və vətənpərvər ruhda formalaşmasına xidmət edir. Məhz buna görə də cəmiyyət tərəfindən onların əməyinə obyektiv qiymət verilməsi, gördükləri işlərin təqdir olunması xüsusi əhəmiyyət daşıyır.
