2026-cı tədris ili üzrə ali təhsil müəssisələrinin magistratura səviyyəsinə qəbul planında Naxçıvan Müəllimlər İnstitutu üçün yer ayrılmayıb.
Qanuntv.az xəbər verir ki, bu barədə Modern.az məlumat yayıb.
Bildirilib ki, ötən il Naxçıvan Müəllimlər İnstitutu üzrə magistratura səviyyəsinə 30 plan yeri ayrıldığı halda, 2026-cı tədris ili üçün qəbul planı sıfıra endirilib. Bununla da ali təhsil müəssisəsində magistratura üzrə qəbul ötən illə müqayisədə 100 faiz azalıb.
Məlumata görə, Muxtar Respublikada fəaliyyət göstərən digər ali təhsil müəssisəsi – Naxçıvan Dövlət Universitetində isə əksinə, magistratura səviyyəsi üzrə qəbul planı artırılıb. Belə ki, universitet üzrə plan yerlərinin sayı 299-dan 355-ə yüksəlib. Bu isə 56 yer və ya 18,73 faiz artım deməkdir.
Qeyd edək ki, 2026-cı tədris ili üzrə magistratura qəbul planında baş verən bu dəyişikliklər Naxçıvanın ali təhsil müəssisələri arasında magistr hazırlığı istiqamətində fərqli yanaşmanın tətbiq olunduğunu göstərir.
