Azərbaycan fəal şəkildə üç böyük “yaşıl enerji” dəhlizinin formalaşdırılması üzərində çalışır. Bunlar Xəzər dənizi–Qara dəniz–Avropa, Azərbaycan–Türkiyə–Avropa və Mərkəzi Asiya–Azərbaycan–Avropa marşrutlarıdır.
Qanuntv.az xəbər verir ki, bu barədə Azərbaycan Dövlət Neft Şirkətinin (SOCAR) prezidenti Rövşən Nəcəf Dünya İqtisadi Forumunun rəsmi saytında dərc olunan məqaləsində bildirib.
Rövşən Nəcəfin sözlərinə görə, 2022-ci ildə Buxarestdə Azərbaycan, Gürcüstan, Rumıniya və Macarıstan arasında “yaşıl enerji”nin inkişafı və ötürülməsi sahəsində strateji tərəfdaşlığa dair sazişin imzalanması Avropaya yönələn “yaşıl enerji” dəhlizinin formalaşdırılması istiqamətində mühüm addım olub.
SOCAR prezidenti qeyd edib ki, bu təşəbbüslər Azərbaycanın regionda etibarlı enerji tərəfdaşı kimi mövqeyini daha da gücləndirir və Avropanın enerji təhlükəsizliyinə töhfə verir.
