Beynəlxalq Şahmat Federasiyasının (FIDE) aprel ayı üçün yeni reytinq siyahısı açıqlanıb.

Qanuntv.az xəbər verir ki, siyahıda Azərbaycan şahmatçıları arasında ən yüksək nəticə qrosmeyster Şəhriyar Məmmədyarova məxsusdur. 40 yaşlı şahmatçı 2715 xalla dünya reytinqində 27-ci pillədə qərarlaşıb.

Digər azərbaycanlı şahmatçılar da siyahıda yer alıblar. Belə ki, Teymur Rəcəbov 2698 xalla 37-ci, Aydın Süleymanlı 2653 xalla 64-cü, Eltac Səfərli 2648 xalla 67-ci, Rauf Məmmədov isə 2636 xalla 87-ci pillədə qərarlaşıb.

Qadın şahmatçıların reytinqində isə Ülviyyə Fətəliyeva 2431 xalla 29-cu yerə yüksəlib. Günay Məmmədzadə 64-cü, Gövhər Beydullayeva 85-ci, Xanım Balacayeva isə 92-ci sırada yer alıb.

Dünya reytinqinə isə norveçli şahmat əfsanəsi Maqnus Karlsen (2840) liderlik edir. ABŞ təmsilçilərindən Hikaru Nakamura (2810) ikinci, Fabiano Karuana (2793) isə üçüncü pillədə qərarlaşıb.