Hədə-qorxu ilə tələb etmədə təqsirləndirilən Əfqan Sadıqov barəsində həbs qətimkan tədbiri seçilib.

Qanuntv.az xəbər verir ki, bu barədə APA-ya vəkil Nemət Kərimli məlumat verib.

Vəkilin sözlərinə görə, Binəqədi Rayon Məhkəməsinin qərarı ilə Əfqan Sadıqov barəsində iyulun 30-dək həbs qətimkan tədbiri seçilib.

Bildirilib ki, ona Azərbaycan Respublikası Cinayət Məcəlləsinin 182.2.1-ci (hədə-qorxu ilə tələb etmə qabaqcadan əlbir olan bir qrup şəxs tərəfindən törədildikdə) və 182.2.4-cü (xeyli miqdarda əmlak əldə etmək məqsədilə törədildikdə) maddələri ilə ittiham irəli sürülüb.

Qeyd edək ki, bundan əvvəl Gürcüstanın paytaxtı Tbilisidə məhkəmə qərarı ilə Əfqan Sadıqov sosial şəbəkədə polis əməkdaşını təhqir etməkdə təqsirli bilinərək 2 min lari məbləğində cərimələnib. Həmçinin onun Gürcüstandan deportasiya olunması və üç il müddətinə ölkəyə girişinə qadağa qoyulması barədə qərar qəbul edilib.

Əfqan Sadıqov cari ilin 5 aprel tarixində Gürcüstandan Azərbaycana deportasiya olunub.