Azərbaycanın iki yunan-Roma güləşçisi Slovakiyanın paytaxtı Bratislavada keçirilən U-20 dünya çempionatında medal qazanıb.

Azərbaycan Güləş Federasiyasının məlumatına görə, Tural Əhmədov (63 kq) təsəlliverici görüşdə Finlandiya təmsilçisi Matias Arpiayneni 8:0 hesabı ilə məğlub edib.

Axşam seansında isə ekvadorlu Klizman Velisi 2:1 hesabı ilə üstələyən Tural Əhmədov yarışın bürünc medalını qazanıb.

Digər Azərbaycan təmsilçisi Cavidan Nehmətov (77 kq) final görüşündə Ermənistan güləşçisi Samvel Terteryanla qarşılaşıb.

İlk xal prinsipinə əsasən 1:1 hesabı ilə məğlub olan Cavidan Nehmətov gümüş medala sahib olub.

Beləliklə, Azərbaycan yunan-Roma güləşçiləri U-20 dünya çempionatında iki medal qazanıblar.

Qanuntv.az