Əziz oxucularımız bir neçə gün bundan öncə Qaradağ rayon Müşviq qəsəbəsində olduq. Diqqətimizi çəkən məsələlərdən ən başlıcası Müşviq qəsəbəsinin təmiz olması eyni zamanda məişət tullantılarının vaxtı-vaxtında yığılması məsələsi oldu. Qəsəbə sakinləri ilə görüş keçirdik. Görüşümüz əsnasında Qaradağ rayon Müşviq qəsəbə Mənzil Kommunal İstismar sahəsinin rəisi Sadıqov Ziya Çingiz oğlunun qəsəbəyə olan xidmətindən danışıldı. Və belə qənaətə gəldik ki, bu insanın gördüyü şəffaf işləri sizlərə çatdıraq. Araşdırmamıza görə Sadıqov Ziya Çingiz oğlu 1 il 3 aydır ki, həmin qəsəbədə yerləşən Mənzil Kommunal İstismar sahəsində rəis kimi fəaliyyət göstərir. Ziya müəllimin fəaliyyəti zamanı 3 şəhid ailəsi işlə təmin olunmuşdur. Və sözü gedən idarəyə 2 qazinin işlə təminatı olmuşdur. Qəsəbə sakinlərinin dediyinə görə, Sadıqov Ziya Çingiz oğlundan öncə bu qəsəbədə məişət tullantılarının yığılması həftələrlə çəkərdi. Lakin, Sadıqov Ziya Çingiz oğlu Mənzil Kommunal İstismar sahəsinin rəisi təyin olduqdan sonra qəsəbədə gözəllik birbaşa görünən dərəcədə həllini tapmışdır. Binaların vaxtı-vaxtında təmiri və təmiz saxlanmasına görə qəsəbə sakinləri adından və biz də öz adımızdan Sadıqov Ziya Çingiz oğluna xüsusi minnətdarlığımızı bildiririk. Bundan belə qənaətə gəlmək olar ki, sözün əsil mənasında Ziya müəllim işinin öhtəsindən mükəmməl gəlir və qəsəbə sakinlərinə xidmət göstərir.