Ukrayna Prezidenti Volodimir Zelenski ikinci dəfə prezidentliyə namizədliyini müharibənin nəticəsindən asılı edəcəyini açıqlayıb. O bildirib ki, hazırda bu məsələ onun əsas prioriteti deyil və qərar vermək üçün Rusiyanın Ukraynaya qarşı apardığı müharibənin necə başa çatacağını gözləyir.
Zelenski qeyd edib ki, bəzən bu barədə düşündüyünü etiraf edir, lakin hazırkı şəraitdə diqqətini yalnız ölkənin müdafiəsinə və müharibənin sona çatmasına yönəldib.
Birinci xanım Olena Zelenska isə həyat yoldaşının qərarına dəstək verəcəyini bildirib.
Qeyd edək ki, Zelenski 2019-cu ildən Ukrayna Prezidenti olaraq fəaliyyət göstərir və ölkədə davam edən müharibə səbəbindən onun ikinci müddətə namizədliyi hələki müzakirə mövzusudur.
