Pakistanın şimal-qərb bölgəsində növbəti dəfə terror aktı törədilib. Silahlı şəxslərin həyata keçirdiyi hücum nəticəsində azı 11 hərbçi və bir uşaq həyatını itirib.

Pakistan Ordusunun yaydığı məlumata görə, terrorçular partlayıcı maddələrlə doldurulmuş avtomobili hərbi nəzarət məntəqəsinə çırpıblar. Güclü partlayış nəticəsində ərazidə ciddi dağıntılar meydana gəlib, çoxsaylı itkilər qeydə alınıb.

Hadisə ilə bağlı təhlükəsizlik tədbirləri gücləndirilib, bölgədə genişmiqyaslı əməliyyatlara başlanıldığı bildirilib.

Qeyd edək ki, terror təhlükəsi Pakistanın müxtəlif bölgələrində yenidən artmaqdadır. Belə ki, dünən Xeybər Paxtunxva əyalətinin Bənnu bölgəsində motosikletə yerləşdirilmiş bombanın partlaması nəticəsində 2 nəfər həlak olmuş, 17 nəfər isə yaralanmışdı.

Pakistan rəsmiləri ölkədə sabitliyi pozmağa yönəlmiş bu kimi hücumların qarşısının alınması üçün tədbirlərin davam etdirildiyini açıqlayıblar.