İyunun 26-da Bakı Bulvarında mövsümi güllərin əkilməsi aksiyası təşkil olunub.

QanunTV.az xəbər verir ki, aksiyada Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva iştirak ediblər.

Bildirilib ki, Bakı Bulvarının yaşıllıq sahələrinin zənginləşdirilməsi, ərazinin estetik görünüşünün artırılması məqsədilə keçirilən aksiya çərçivəsində xüsusi landşaft kompozisiyalarına uyğun olaraq müxtəlif növ minlərlə mövsümi gül əkilib.

Aksiya Heydər Əliyev Fondunun “Regional İnkişaf” İctimai Birliyinin könüllüləri ilə birgə həyata keçirilib.

Qeyd olunub ki, təşəbbüs ekoloji layihələrdə ictimai iştirakın artırılması, ətraf mühitə məsuliyyətli münasibətin təşviqi və Dənizkənarı Milli Parkın yaşıl məkan kimi qorunmasına dəstək məqsədi daşıyır.