Rusiyada baş verən ağır yol-nəqliyyat hadisəsi iki azərbaycanlının həyatına son qoyub.

Qanuntv.az xəbər verir ki, hadisə Vladimir şəhərində qeydə alınıb.

Məlumata görə, əslən Ucar rayonunun Şilyan kəndindən olan, 1959-cu il təvəllüdlü Füzuli Baxış oğlu Baxışov və onun bacısı, 1975-ci il təvəllüdlü Zərnişan Baxış qızı Baxışova yolda yaranan tıxac zamanı iki yük maşınının arasında qalıblar.

Ağır qəza nəticəsində bacı-qardaş hadisə yerində həyatlarını itiriblər.

Məlumata əsasən, mərhumların nəşləri bu gün Azərbaycana gətirilib və doğulduqları Ucar rayonunun Şilyan kəndində torpağa tapşırılıb.

Faciə mərhumların yaxınları və kənd sakinləri arasında böyük kədər yaradıb.