Bakı, 6 fevral — Xəzər dənizində köməksiz vəziyyətdə qalan 4 balıqçı Fövqəladə Hallar Nazirliyinin dalğıc-xilasediciləri tərəfindən xilas edilib.
Hadisə Qaradağ rayonu ərazisində baş verib. Balıqçı qayığının mühərrikində nasazlıq yaranmış və sahildən təqribən 1 km məsafədə köməksiz qalan şəxslərin yanına FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları çataraq onları sahilə çıxarıblar.
Xilas edilən balıqçılar: Rəhman Məmmədov (1994), Əli Əliyev (1986), İntiqam Məmmədov (1981) və İlkin Quliyev (1980) — hamısı sağ-salamatdır.