2026-cı il yanvarın 1-dən etibarən Azərbaycanda vergi, sosial sığorta, aksiz və digər sahələr üzrə bir sıra mühüm dəyişikliklər qüvvəyə minib.

QanunTV.az yeni ildən tətbiq olunan əsas yenilikləri təqdim edir:

• Tütün məmulatları və elektron siqaretlər üzrə aksiz vergiləri artırılıb.

• İdxal olunan köhnə minik avtomobilləri üçün yeni aksiz dərəcəsi tətbiq ediləcək.

• Qeyri-formal işləyən şəxslər icbari tibbi sığorta haqqını özləri ödəyəcək. Aylıq ödəniş 16 manat təşkil edir.

• Azərbaycana gətirilən 1 ədəddən artıq mobil telefonun qeydiyyatı üçün 100 manat rüsum tətbiq olunacaq.

• Evlərini kirayə verənlər üçün vergi dərəcəsi 14 faizdən 10 faizə endirilib.

• Elektrik enerjisi və təbii qaz üzrə aylıq 1 manat sabit tarif müəyyən edilib.

• Qeyri-neft-qaz özəl sektorda 2500 manata qədər əməkhaqqından 3 faiz gəlir vergisi tutulacaq.

• Azərbaycanda kişi və qadınların pensiya yaşı bərabərləşdirilərək 65 yaş müəyyən edilib.

• Hibrid və elektromobillərin idxalı və satışına tətbiq olunan ƏDV güzəştinin müddəti başa çatıb.

• Azərbaycanda istehsal olunan elektrikli avtobuslar ƏDV-dən azad edilib.

• Media subyektləri vergilərdən azad olunub.

• Bankların iflas proseduru zamanı aktivlərin təqdim edilməsi ƏDV-dən azad edilir.

• Yaşayış minimumu və ehtiyac meyarı 300 manat səviyyəsində müəyyən edilib.

• Benzin, dizel və maye qaza görə yol vergisi 3,5 dəfə artırılıb. Belə ki, hər litr üçün ödəniş 0,02 manatdan 0,07 manata yüksəldilib.

• Mülkiyyətində olan torpaqlarda işləyən şəxslərin sosial sığorta haqları artırılıb.

• Vəkil və mediatorların ödədiyi sosial sığorta haqları yüksəldilib.

• Fərdi sahibkarlar üçün sosial sığorta ödənişləri artırılıb.

• Fərdi iş sahiblərinin (dərzi, aparıcı, çalğıçı və s.) sosial sığorta haqqı minimum aylıq əməkhaqqının 5 faizi əvəzinə 8 faizi müəyyən edilib.

• Kişi və qadın salonları, eləcə də kosmetoloji mərkəzlərin xidmətlərində ƏDV geri qaytarılacaq.

• Alkoqollu və enerji içkiləri üzrə aksiz dərəcələri artırılıb.

Qeyd edək ki, bu dəyişikliklər 2026-cı il dövlət büdcəsi və vergi siyasətinə uyğun olaraq həyata keçirilir.