Masoud Pezeshkian rusiyalı həmkarı Vladimir Putin ilə telefon danışığı zamanı İranın Azərbaycana hücum etmədiyini bildirib.

Bu barədə məlumatı Tasnim News Agency yayıb. Agentliyin məlumatına görə, İran prezidentinin mətbuat xidməti Pezeşkianın Azərbaycana hücumla bağlı iddiaları qətiyyətlə rədd etdiyini açıqlayıb. O, bu xəbərləri qonşu ölkələr arasında qardaşlıq münasibətlərini pozmaq məqsədi daşıyan düşmən planı adlandırıb.

Xatırladaq ki, fevralın 28-də Israel Katz Israel Defense Forcesin İrana qarşı qabaqlayıcı zərbə endirdiyini açıqlamışdı. Daha sonra Donald Trump da ABŞın həmin hərbi əməliyyatda iştirak etdiyini bildirmişdi.
Bundan sonra İran İsrailə onlarla ballistik raket atıb. İsrail ordusu hücumları təsdiqləyib, ölkə ərazisində hava hücumu siqnalları verilib və hava hücumundan müdafiə sistemləri işə salınıb.

Martın 1-də isə İranın Ali Lideri Ali Khameneinin hücumlar zamanı öldürüldüyü barədə məlumat yayılıb.
Məlumata görə, İran ABŞ-nin hərbi bazalarının yerləşdiyi bir sıra qonşu ölkələrə də raket zərbələri endirib. Bu səbəbdən həmin ölkələrdə hava məkanı müvəqqəti olaraq bağlanıb.

Qeyd edək ki, Azərbaycan dəfələrlə öz ərazisindən İrana qarşı hərbi əməliyyatlar üçün istifadə olunmayacağını bəyan edib. Buna baxmayaraq, martın 5-də İran tərəfindən Azərbaycanın Naxçıvan Muxtar Respublikasına pilotsuz uçuş aparatları ilə hücum həyata keçirildiyi bildirilib.

Məlumata görə, İran Silahlı Qüvvələrinə məxsus dörd pilotsuz uçuş aparatı Naxçıvan istiqamətində hücum üçün göndərilib. Onlardan biri Azərbaycan Ordusu tərəfindən zərərsizləşdirilib, ikisi Naxçıvan Beynəlxalq Hava Limanının terminal binasını, digəri isə Şəkərabad kəndində yerləşən təhsil müəssisəsini hədəfə alıb. Hadisə nəticəsində dörd nəfər xəsarət alıb.