Azərbaycan Respublikasının Prezidenti İlham Əliyev diplomatik xidmət sahəsində mühüm sənədlərin təsdiqi ilə bağlı yeni fərman imzalayıb.
Qanuntv.az xəbər verir ki, fərmana əsasən, “Azərbaycan Respublikasının Səfirliyi haqqında Əsasnamə”, “Azərbaycan Respublikasının Daimi Nümayəndəliyi haqqında Əsasnamə”, “Azərbaycan Respublikasının Konsulluğu haqqında Əsasnamə” və “Azərbaycan Respublikasının fəxri konsulu haqqında Əsasnamə” təsdiq edilib.
Qeyd olunan əsasnamələr ölkənin xarici nümayəndəliklərinin fəaliyyətinin hüquqi əsaslarını daha da təkmilləşdirmək, onların iş mexanizmini və səlahiyyətlərini dəqiq müəyyənləşdirmək məqsədi daşıyır.
Fərmana uyğun olaraq, Nazirlər Kabineti bu sənəddən irəli gələn məsələlərin həlli üçün müvafiq addımlar atmalıdır.
