Azərbaycan Prezidenti İlham Əliyev Vaşinqtonda Ağ Ev Müxbirləri Assosiasiyasının şam yeməyi zamanı baş verən atışma ilə bağlı paylaşım edib.

Qanuntv.az xəbər verir ki, dövlət başçısı “X” sosial şəbəkəsində bildirib ki, hadisə onu dərindən sarsıdıb.
“Belə zorakılıq halları qəbuledilməzdir və qəti şəkildə pislənməlidir. Prezident Donald Tramp, Birinci xanım və bütün iştirakçıların təhlükəsiz olması sevindiricidir.

Onlara davamlı təhlükəsizlik və rifah arzulayıram”, – deyə Prezident vurğulayıb.