Fransa Prezidenti Emmanuel Macron Böyük Britaniya Kralı Charles III-ün ABŞ Prezidenti Donald Trump-a verdiyi diqqətçəkən cavaba münasibət bildirib.
Qanuntv.az xəbər verir ki, Fransa lideri sosial şəbəkə hesabında paylaşım edərək Kralın fikirlərinə qısa, lakin ironik reaksiya verib: “Möhtəşəm olardı.”
Hadisə Ağ Evdə təşkil olunan rəsmi ziyafət zamanı baş verib. Belə ki, Donald Tramp yanvar ayında səsləndirdiyi fikri xatırladaraq bildirmişdi ki, əgər ABŞ İkinci Dünya müharibəsində qalib gəlməsəydi, dünya əhalisi alman, bəlkə də qismən yapon dilində danışardı.
Buna cavab olaraq III Çarlz ABŞ-nin müstəqillikdən əvvəlki dövrdə Şimali Amerika uğrunda Fransa və Böyük Britaniya arasında gedən tarixi mübarizəni xatırladıb. O, zarafatla qeyd edib ki, “əgər biz olmasaydıq, o zaman siz özünüz fransızca danışmalı olardınız.”
Fransa Prezidenti Emmanuel Makronun bu fikrə dəstəyi isə sosial mediada geniş müzakirələrə səbəb olub.
Əlavə:
Böyük Britaniya monarxı III Çarlz ABŞ Konqresində çıxışı zamanı da beynəlxalq təhlükəsizlik məsələlərinə toxunaraq NATO çərçivəsində həmrəyliyin vacibliyini vurğulayıb. O, xüsusilə Ukrayna məsələsində qətiyyətli mövqe nümayiş etdirməyin önəmli olduğunu bildirib.
Monarx qeyd edib ki, hazırkı dövrdə Avropadan Yaxın Şərqə qədər uzanan münaqişələr qlobal sabitlik üçün ciddi sınaqdır və beynəlxalq birlik bu çağırışlara birlikdə cavab verməlidir.
