QanunTV.az-a daxil olan müraciətdə 230 saylı uşaq bağçasının müdiri Şəhla İbrahimovanın fəaliyyəti ilə bağlı valideynlərin müsbət fikirləri yer alıb.

Valideynlər bildirirlər ki, Şəhla İbrahimova rəhbərlik etdiyi müəssisədə öz peşəkarlığı, məsuliyyətli yanaşması və işinə olan sevgisi ilə seçilən rəhbərlərdən biridir. Onların sözlərinə görə, bağçada uşaqların rahatlığı, təhlükəsizliyi və inkişafı üçün yaradılan şərait rəhbərliyin diqqətli fəaliyyətinin nəticəsidir.

Müraciətdə qeyd olunur ki, məktəbəqədər təhsil müəssisəsində uşaqlara göstərilən qayğı, təlim-tərbiyə prosesinə verilən önəm və valideynlərlə qurulan sağlam münasibət xüsusi diqqətə layiqdir. Valideynlər hesab edirlər ki, uşaqların ilk təhsil və tərbiyə mühiti olan bağçalarda rəhbərin rolu olduqca böyükdür və Şəhla İbrahimova bu məsuliyyəti layiqincə yerinə yetirir.

Valideynlərin fikrincə, rəhbərin kollektivlə düzgün münasibət qurması, əməkdaşların fəaliyyətinə dəstək verməsi və bağçada mehriban atmosfer yaratması ümumi işin keyfiyyətinə müsbət təsir göstərir. Onlar vurğulayırlar ki, uşaqlara sadəcə qayğı göstərilməsi deyil, eyni zamanda onların dünyagörüşünün formalaşması, bacarıqlarının inkişaf etdirilməsi və sosial mühitə hazırlanması istiqamətində görülən işlər təqdirəlayiqdir.

Şəhla İbrahimovanın fəaliyyətində əsas diqqət çəkən məqamlardan biri də valideynlərlə açıq ünsiyyət qurması və onların fikirlərinə önəm verməsidir. Valideynlər bildirirlər ki, rəhbərliyin bu cür yanaşması bağça ilə ailə arasında etibarlı əməkdaşlığın formalaşmasına şərait yaradır.

QanunTV.az olaraq bildiririk ki, uşaqların təlim-tərbiyəsi sahəsində məsuliyyətlə çalışan, öz fəaliyyəti ilə nümunə göstərən rəhbərlərin əməyinin qiymətləndirilməsi vacibdir.

Valideynlərin təşəkkür etdiyi Şəhla İbrahimovaya gələcək fəaliyyətində uğurlar arzulayırıq.