Sübhan Rəhim oğlu Cəbrayılov adına Salyan Peşə Liseyinin direktoru Arzu Əliyevanın fəaliyyəti təhsil ictimaiyyəti tərəfindən müsbət qiymətləndirilir. Bu gün ölkəmizdə peşə təhsilinin inkişafı dövlət siyasətinin prioritet istiqamətlərindən biri hesab olunur. Gənclərin müasir əmək bazarının tələblərinə uyğun, peşəkar və savadlı kadrlar kimi yetişdirilməsi istiqamətində görülən işlər xüsusi əhəmiyyət daşıyır.
Arzu Əliyeva rəhbərlik etdiyi təhsil müəssisəsində tədris prosesinin təkmilləşdirilməsi, tələbələrin peşə bacarıqlarının artırılması, sağlam mənəvi mühitin formalaşdırılması və kollektivin birgə fəaliyyətinin təmin olunması istiqamətində öz məsuliyyətli yanaşması ilə seçilən rəhbərlərdən biri kimi dəyərləndirilir.
Müasir dövrdə təhsil müəssisəsinə rəhbərlik etmək yalnız inzibati idarəçilik deyil, eyni zamanda gələcəyin qurucuları olan gənclərin formalaşmasına xidmət edən şərəfli və məsuliyyətli missiyadır. Peşə təhsilinin inkişafı, gənclərin cəmiyyətə faydalı vətəndaşlar kimi yetişməsi istiqamətində görülən işlər isə hər zaman xüsusi diqqət və qayğı tələb edir.
Arzu Əliyevanın fəaliyyətində də məhz bu prinsiplərin ön planda olduğu qeyd edilir. Tələbələrin bilik və bacarıqlarının artırılması, onların gələcək peşə həyatına daha hazırlıqlı şəkildə qədəm qoyması üçün həyata keçirilən tədbirlər, təhsil müəssisəsində yaradılan işgüzar mühit və kollektiv arasında qarşılıqlı hörmət münasibətləri onun rəhbərlik keyfiyyətlərini nümayiş etdirən əsas amillərdəndir.
Bu gün Salyan Peşə Liseyi regionun peşə təhsili müəssisələri arasında öz fəaliyyəti ilə seçilən təhsil ocaqlarından biri kimi diqqət çəkir. Təhsil müəssisəsinin inkişafına yönəlmiş təşəbbüslər, gənclərin peşə hazırlığının gücləndirilməsi və tədris prosesinin müasir tələblərə uyğun qurulması istiqamətində görülən işlər təqdirəlayiq hesab olunur.
Təhsil cəmiyyətin gələcəyidir. Gələcəyin etibarlı əllərdə olması isə məhz öz işinə sevgi və məsuliyyətlə yanaşan təhsil rəhbərlərinin fəaliyyəti ilə birbaşa bağlıdır. Arzu Əliyevanın direktor kimi fəaliyyəti də bu baxımdan yüksək qiymətləndirilir və onun gələcək fəaliyyətində daha böyük uğurlara imza atacağına inam ifadə olunur.
Qanuntv.az olaraq, təhsil sahəsində səmərəli fəaliyyət göstərən, gənc nəslin inkişafına töhfə verən və peşə təhsilinin tərəqqisinə xidmət edən şəxslərin əməyinin işıqlandırılmasını və cəmiyyətə təqdim olunmasını vacib hesab edirik.
