Azərbaycanın iki qadın güləşçisi Slovakiyanın paytaxtı Bratislavada keçirilən U-20 dünya çempionatında finala yüksəlib.

Qanuntv.az xəbər verir ki, bu barədə Azərbaycan Güləş Federasiyası məlumat yayıb.

57 kq çəki dərəcəsində mübarizə aparan Günay Qurbanova yarımfinal görüşündə Hindistan təmsilçisi Tanvi Qundeş Maqdumla qarşılaşıb. Azərbaycan güləşçisi rəqibinə qalib gələrək finala vəsiqə qazanıb.

59 kq çəki dərəcəsində çıxış edən Ruzanna Məmmədova da yarımfinalda inamlı qələbə əldə edib. Təmsilçimiz macarıstanlı Eda Balaşa ilə qarşılaşmada rəqibini tam üstünlüklə — 11:0 hesabı ilə məğlub edərək adını finala yazdırıb.

Beləliklə, Azərbaycan iki qadın güləşçisi ilə U-20 dünya çempionatının qızıl medalı uğrunda mübarizə aparacaq.

Qeyd edək ki, Günay Qurbanova və Ruzanna Məmmədova final görüşlərinə avqustun 21-də çıxacaqlar.

Qanuntv.az