Postmüharibə dövründə 4494 nəfər vətən müharibəsi iştirakçısına əlillik təyinatı aparılıb.
Ötən dövr ərzində reabilitasiya xidmətləri nəticəsində 260 nəfər artıq orqanizmin funksiyasını itirilməsinə səbəb olan xəstəlikdən azad olunub. Yəni, həmin şəxslər reabilitasiya olunaraq əlillik dərəcəsindən azad ediliblər.
Bu barədə Bizim.Media xəbər verir. Məlumatı Dövlət Tibbi-Sosial Ekspertiza və Reabilitasiya Agentliyinin İdarə Heyəti sədri Ramin Rzayev ötən il görülmüş işlər və 2026-cı ilin hədəflərinə həsr olunan mətbuat konfransında açıqlayıb.
Rzayev bildirib ki, postmüharibə dövründə 3747 şəxsə reabilitasiya xidmətləri göstərilib:
• Müharibə ilə əlaqədar əlilliyi olan 2,4 min şəxsə 88,4 min reabilitasiya vasitəsi təqdim olunub.
• 500-dən çox şəxsə 620 ədəd yüksək texnologiyalı protez verilib.
Agentlik rəhbəri əlavə edib ki, reabilitasiya xidmətləri veteranların həyat keyfiyyətinin yüksəldilməsinə yönəldilib və bu sahədə işlər davam etdiriləcək.
