Azərbaycanın daxili işlər naziri Vilayət Eyvazov Türkiyənin daxili işlər naziri Mustafa Çiftçi ilə görüş keçirib. Görüş zamanı iki qardaş ölkə arasında daxili təhlükəsizlik sahəsində əməkdaşlığın mövcud vəziyyəti və perspektivləri geniş müzakirə olunub.

Tərəflər cinayətkarlığa qarşı mübarizə, transmilli təhlükələr, narkotik vasitələrin qanunsuz dövriyyəsi, eləcə də sərhəd təhlükəsizliyi və miqrasiya məsələlərində birgə fəaliyyətin vacibliyini vurğulayıblar. Eyni zamanda hüquq-mühafizə orqanları arasında təcrübə və informasiya mübadiləsinin daha da gücləndirilməsinin əhəmiyyəti qeyd edilib.

Görüşdə Azərbaycan və Türkiyə arasında “bir millət, iki dövlət” prinsipi əsasında qurulan münasibətlərin bütün sahələrdə, o cümlədən təhlükəsizlik istiqamətində uğurla inkişaf etdiyi bildirilib. Qarşılıqlı əməkdaşlığın gələcəkdə daha da genişləndirilməsi ilə bağlı fikir mübadiləsi aparılıb.

Tərəflər regional sabitliyin qorunması və təhlükəsizliyin təmin olunması istiqamətində birgə səylərin davam etdiriləcəyini vurğulayıblar.